Radvaňska hubova mačanka
Author: 
Recipe type: Omačka
Cuisine: Rusnacka
Prep time: 
Cook time: 
Total time: 
 
Pro sim Rusnakiv.......Toto jes original rusnackyj recept...No pisav jem ho z latinykov, bo azbuku už tote molode bars neznavuť. Ta tam de je ypsilon to jak by bylo "ы " ..... Mjachkyj znak "ь" jem dal zato, šo by ste znaly že to treba mjachko čitaty.
Ingredients
  • 200 g suchy kozary
  • 3 cibuľi
  • pol čajovyj lyžički mletoj červenoj papriky, abo paprikovu pastu
  • 100 g kvasnoj kapusty
  • 250 ml sladkoj smetany, može byty i vecej
  • 2 velike ložky hladkoj muky
  • 3 velike ložky masla
  • rosol iz kvasnoj kapusty
  • bujon abo vyvar z hovedzoho mjasa
  • siľ, poper
  • voda
Instructions
  1. Toto jes original recept iz Radvani nad Labircem...
  2. Vosь kozary i daj jich namočity do vlažnoj vody cholem na 2 hodyny, no najľipše na cilu ňič.
  3. Narízanu cibuľu daj popražity do harčka na masľi, na malim ohňu cholem 20-25 minut
  4. Daj poťim do totej cibuľi kozare, no nezabuďь jich vyžmykaty
  5. Nepraž douho.... 3 minuty stačiť i pridaj na bars jemno nasekanu kapustu...
  6. Poťim daj totu papriku i popraž ...no ne vecej jak minutu !!!
  7. Pak zaľij zos rosolom iz kvasnoj kapusty, no ne veľo tak 2 deci... poťim dokysliš podľa chuťi.
  8. Zaľij vyvarjom ,abo vodu a daj bujon jak nemaš vyvarь, i priľij i totu vodu zos kozariv !!!
  9. Daj kus popru a var 1 hodynu !!!
  10. Poťim daj muku do smetany i fajňi ju rozmišaj.
  11. Naľij smetanu zos muku do mačanky i var dalšych 30 minut.
  12. Jak bude treba dochutyty mačanku zos rosolom tak ši priľij .
  13. Poťim povar pjaťь minut i mačanka hotova.
Notes
Mačanka sa jisť zos chľibom , zos kolačom, no najľipša jes mačanka zos knedlykom !!!
Recipe by My Hurghada at https://www.myhurghada.info/hubova-macanka/